Kaibigan, ang layunin ko po bilang doktor ay para makatulong sa kalusugan ninyo.
1. Ang makapagbigay ginhawa sa inyong nararamdaman sa mura at epektibong paraan.
2. At dahil alam kong naghihirap na ang Pilipino, ayoko kayong mapa-gastos sa mga bagay na hindi naman kailangan.
Dahil dito, isinusulat ko ang totoo at makabubuti para sa bawat Pilipino. (Hindi ako nagpapa-apekto sa advertisements dahil alam ko kung ano ang tunay.)
Sa internet man o sa TV, radyo at diyaryo, nais kong makapagbigay ng tamang kaalaman lalo na sa mga mahihirap at maysakit, na lampas 50% ng ating kababayan ay naghihirap.
Kahit kailan, hindi ko inisip ang pansariling kita o interest sa aking mga payo at Health Advisories. 100% totoo lang.
Inaaral ko maigi ang mga sakit at kung paano ito mapipigilan at malunasan.
Sa tulong ng Diyos, naniniwala ako na may pupuntahan ang aking pagtulong at pagsisikap. Kung may 1, 100 o 10,000 akong matutulungang tao ay masaya na ako.
Bakit ko ito ginagawa kung wala namang kita?
Simple lang po. - Ang lahat ng ito ay aking munting alay sa Diyos na nagbibigay sa atin ng buhay. Iyan lang po ang nais ng puso ko.
Nagmamahal. - Doc Willie Ong
Photo: Salamat Dok Medical Mission. Mula 2007, libre na po ang lahat ng serbisyo ko para sa ating kababayan. Wala na akong sinisingil sa mga pasyente, mayaman man o mahirap.
No comments:
Post a Comment